ملک بھر میں بجلی کے صارفین کے لیے سہ ماہی ایڈجسٹمنٹ کے تحت بجلی کی قیمت میں ایک روپے فی یونٹ اضافے کا امکان پیدا ہوگیا ہے۔
ذرائع کے مطابق بجلی کی تقسیم کار کمپنیوں نے سہ ماہی ایڈجسٹمنٹ کی مد میں بجلی کی قیمت میں اضافے کی درخواست نیپرا میں جمع کرا دی ہے۔
ذرائع کا کہنا ہے کہ موجودہ سہ ماہی ایڈجسٹمنٹ ریلیف کی مدت رواں ماہ ختم ہو رہی ہے۔ اس وقت صارفین کو ایک روپے 99 پیسے فی یونٹ کا ریلیف حاصل ہے۔
ریلیف کی مدت ختم ہونے کے بعد اگلے ماہ سے سہ ماہی ایڈجسٹمنٹ کے تحت ملک بھر میں بجلی کی قیمت میں تقریباً ایک روپے فی یونٹ اضافے کا امکان ہے۔
بجلی کی قیمت میں اضافے سے متعلق حتمی فیصلہ نیپرا کی جانب سے درخواست کی سماعت اور جائزے کے بعد کیا جائے گا۔