پاکستان اور انگلینڈ کے درمیان تین ٹیسٹ میچز پر مشتمل سیریز کا پہلا مقابلہ 19 اگست سے ہینڈنگلے کرکٹ گراؤنڈ میں شروع ہو رہا ہے۔
اس اہم میچ کی تیاری کے لیے قومی ٹیسٹ اسکواڈ نے ہینڈنگلے میں بھرپور پریکٹس سیشن کا انعقاد کیا جو تقریباً تین گھنٹے تک جاری رہا۔
سیشن کے دوران کوچز نے کھلاڑیوں کو انگلینڈ کی مخصوص موسمی اور پچ کنڈیشنز سے ہم آہنگ کرنے پر خصوصی توجہ دی۔
اس دوران قومی کھلاڑیوں نے بیٹنگ، باؤلنگ اور فیلڈنگ سمیت مختلف تکنیکی ڈرلز میں حصہ لیا تاکہ سیریز کا آغاز بہترین انداز میں کیا جاسکے۔