نیشنل چیمپئنز کپ کے سپانسرز کی جانب سے ٹورنامنٹ کی فائنلسٹ ٹیموں کے اعزاز میں پروقار عشائیے کا اہتمام کیا گیا۔
عشائیہ میں فائنل میں پہنچنے والی دونوں ٹیموں، رواج پاکستان گرینز اور سپارکو پینٹس پاکستان گولڈ کے کھلاڑیوں اور مینجمنٹ نے بڑی تعداد میں شرکت کی۔
تقریب سے خطاب کرتے ہوئے ڈائریکٹر کمرشل پاکستان کرکٹ بورڈ (پی سی بی) علی عدنان زیدی نے ٹورنامنٹ کی کامیابی میں تعاون کرنے پر تمام سپانسرز اور سٹیک ہولڈرز کا شکریہ ادا کیا۔
انہوں نے اس عزم کا اعادہ کیا کہ چیئرمین پی سی بی محسن نقوی کے ویژن کے مطابق ڈومیسٹک کرکٹ کو مزید مضبوط اور مستحکم بنایا جائے گا۔