لیڈز ٹیسٹ میں بڑی شکست کے بعد پاکستان کرکٹ ٹیم مینجمنٹ انگلینڈ کے خلاف 27 اگست سے شروع ہونے والے دوسرے لارڈز ٹیسٹ کے لیے پلئینگ الیون میں متعدد تبدیلیوں پر غور کر رہی ہے۔
ذرائع کے مطابق لندن کی ڈرائی کنڈیشنز اور فلیٹ پچ کی توقع کے پیش نظر حتمی ٹیم کا انتخاب کیا جائے گا۔ وکٹ کیپر بیٹر محمد رضوان کو آرام دیے جانے کا امکان ہے جبکہ انگلی کی انجری سے صحتیاب ہونے والے بابر اعظم کی واپسی متوقع ہے، جس کے باعث اذان اویس کو ڈراپ کیا جا سکتا ہے۔
اس کے علاوہ ڈرائی کنڈیشنز کے باعث پاکستان ٹیم دو اسپنرز کے ساتھ میدان میں اتر سکتی ہے، جبکہ فاسٹ باؤلنگ میں رفتار کے پیش نظر عبید شاہ کو پلئینگ الیون میں شامل کیے جانے کا امکان ہے۔