آسٹریلین بیٹرز کی مسلسل ناکامیوں سے پریشان کرکٹ آسٹریلیا نے باؤلرز کا غلبہ ختم کرنے اور بیٹ اور بال کے درمیان توازن قائم کرنے کے لیے شیفلڈ شیلڈ میں اہم تبدیلیوں کی تصدیق کردی ہے۔
کرکٹ آسٹریلیا کی ویب سائٹ کے مطابق آنے والے سیزن میں کیوریٹرز کو بیٹرز کے لیے زیادہ سازگار اور متوازن پچز تیار کرنے کی ہدایت کی گئی ہے۔ اس کے علاوہ دن کے سیشنز کے اوقات کار میں بھی تدابیر کی گئی ہیں تاکہ بیٹرز کو مڈل سیشن میں زیادہ آسانی فراہم کی جاسکے۔
نئے شیڈول کے تحت اب دن کے آخری سیشن کے بجائے مڈل سیشن کو لمبا کر کے سوا دو گھنٹے کا کیا جائے گا، جبکہ آخری سیشن بھی سوا دو گھنٹے تک کا ہوسکتا ہے۔
اگرچہ دن بھر کے اوورز کی تعداد 96 ہی رہے گی اور ایوننگ سیشن کا اصل وقت ایک گھنٹہ 15 منٹ ہوگا، تاہم اوورز کی تعداد پوری کرنے کے لیے 30 منٹ کا اضافی وقت بھی دستیاب ہوگا۔ کرکٹ آسٹریلیا سیشنز کی اس تبدیلی کے اثرات کا خود جائزہ لے گا۔
واضح رہے کہ گزشتہ برس میلبرن میں ایشز ٹیسٹ اور مکائے میں بنگلہ دیش کے خلاف ٹیسٹ صرف دو روز میں ختم ہو گئے تھے، جس سے کرکٹ آسٹریلیا کو صرف میلبرن ٹیسٹ میں ہی 15 ملین آسٹریلوی ڈالرز کے ریونیو کا نقصان اٹھانا پڑا تھا۔