پاکستان اور انگلینڈ کے درمیان ٹیسٹ سیریز کے سلسلے میں پاکستان ٹیسٹ کرکٹ ٹیم نے تاریخی لارڈز کرکٹ اسٹیڈیم میں اپنے پہلے ٹریننگ سیشن میں حصہ لیا۔
قومی اسکواڈ نے تقریباً تین گھنٹے تک جاری رہنے والے اس بھرپور سیشن میں سخت محنت کی۔
ٹریننگ کا آغاز وارم اپ سیشن سے ہوا، جس کے بعد کھلاڑیوں نے بیٹنگ، بولنگ اور فیلڈنگ کی مشقوں میں حصہ لے کر اپنی تیاریوں کو حتمی شکل دی۔
دونوں ٹیموں کے درمیان سیریز کا دوسرا ٹیسٹ میچ 27 اگست سے لارڈز میں شروع ہوگا۔