پمز اسپتال کے گائنی وارڈ کی نرسری میں آتشزدگی کے نتیجے میں جاں بحق ہونے والے 14 نومولود بچوں کی میتیں ورثا کے حوالے کردی گئیں۔
بدھ کی صبح پمز اسپتال کی نرسری میں آگ بھڑک اٹھی تھی جس کے نتیجے میں 14 نومولود جاں بحق ہوگئے جبکہ ایک بچے کو زندہ بچالیا گیا۔ ریسکیو ذرائع کے مطابق آگ مبینہ طور پر ایئرکنڈیشنر کے کمپریسر میں دھماکے کے بعد لگی۔
میتیں ورثا کے حوالے کیے جانے کے موقع پر بعض لواحقین نے احتجاج کیا اور بچوں کی شناخت کے لیے ڈی این اے ٹیسٹ کرانے کا مطالبہ کیا۔
لواحقین کا مؤقف ہے کہ بچوں کی مکمل شناخت کیے بغیر ہی میتیں ان کے حوالے کی گئی ہیں۔ متاثرہ خاندانوں نے مطالبہ کیا کہ ڈی این اے ٹیسٹ کے ذریعے بچوں کی شناخت یقینی بنائی جائے تاکہ کسی قسم کی غلطی کا امکان باقی نہ رہے۔واقعے کے بعد حکومت نے تحقیقات کا آغاز کردیا ہے جبکہ وزیراعظم شہباز شریف نے ذمہ داروں کے تعین اور سخت کارروائی کی ہدایت کی ہے۔