پنجاب حکومت نے صوبے کے تمام بڑے سرکاری اسپتالوں کے اطراف فائر ہائیڈرنٹس بنانے کا حکم دے دیا۔
محکمہ ہاؤسنگ پنجاب کے ترجمان کے مطابق پہلے مرحلے میں 57 سرکاری اسپتالوں کی فہرست تیار کرلی گئی ہے جبکہ واسا کو فائر ہائیڈرنٹس کے لیے اہم مقامات کی نشاندہی اور تنصیب کا ٹاسک دے دیا گیا ہے۔
یہ فیصلہ اسلام آباد کے پمز اسپتال کی نرسری میں آتشزدگی کے واقعے کے بعد سامنے آیا ہے جس میں 14 نومولود جاں بحق ہوگئے تھے۔
دوسری جانب سی ڈی اے فائر بریگیڈ کی رپورٹ میں پمز اسپتال میں آگ سے بچاؤ اور انسانی جانوں کے تحفظ کے انتظامات کو ناکافی قرار دیا گیا ہے۔