روس کے شہر کازان میں ’نیشنز کپ 2026‘ ہاکی ٹورنامنٹ کا شاندار آغاز ہوگیا ہے، جس کی رنگا رنگ افتتاحی تقریب میں قومی ہاکی ٹیم (پاکستان وائٹس) نے شرکت کی۔
27 اگست سے 1 ستمبر 2026 تک جاری رہنے والے اس عالمی ٹورنامنٹ میں پاکستان، روس، بیلاروس، روس انڈر 21 اور ازبکستان کی ٹیمیں حصہ لے رہی ہیں، جبکہ فاتح کا فیصلہ پوائنٹس ٹیبل کی بنیاد پر ہوگا۔
گول کیپر منیب الرحمان کی قیادت میں قومی ٹیم مسلسل 5 روز میں 5 میچز کھیلے گی۔
پاکستانی وقت کے مطابق پاکستان وائٹس 28 اگست کو رات 8:00 بجے بیلاروس، 29 اگست کو شام 4:00 بجے بیلاروس، 30 اگست کو شام 4:00 بجے روس، 31 اگست کو رات 8:00 بجے ازبکستان اور 1 ستمبر کو شام 6:00 بجے روس کے خلاف میدان میں اترے گی۔
قومی ٹیم ٹائٹل اپنے نام کرنے کے لیے مکمل طور پر پُرعزم ہے۔