راولپنڈی میں تین روز قبل نالے میں ڈوبنے والی 13 سالہ اریبہ طیب کی لاش جھاوریاں، اڈیالہ روڈ کے قریب سے برآمد کرلی گئی ہے۔
پنجاب ایمرجنسی سروسز ڈیپارٹمنٹ (ریسکیو 1122) کے مطابق اریبہ 31 اگست کو اپنی گلی میں پانی سے کھیلتے ہوئے نالے میں گری تھی، جس کی سی سی ٹی وی ویڈیو بھی سامنے آئی تھی۔
ریسکیو 1122 کی غوطہ خور اور تیراک ٹیموں نے بوٹ، لائن اور بینک سرچ کے ذریعے 10 کلومیٹر کے علاقے میں مسلسل سرچ آپریشن جاری رکھا۔
آپریشن کے دوران نالے میں پانی کا بہاؤ 70 کیوسک اور گہرائی 5 سے 10 فٹ تک تھی، جس کے بعد بالاآخر تیسرے روز بچی کی نعش تلاش کرلی گئی۔