قاہرہ کی فوجداری عدالت نے منشیات کی تیاری اور ترسیل کے مقدمے میں جرم ثابت ہونے پر معروف 39 سالہ ٹی وی اینکر سارہ خلیفہ سمیت 12 افراد کو سزائے موت سنا دی ہے۔
کیس میں نامزد کل 28 ملزمان میں سے 9 کو عمر قید کی سزا دی گئی جبکہ 7 افراد کو بری کر دیا گیا ہے، تاہم مجرمان کے پاس اعلیٰ ترین عدالت میں اپیل کا حق موجود ہے۔
استغاثہ کے مطابق یہ گروہ بیرونِ ملک سے خام مال منگوا کر دو رہائشی فلیٹس میں قائم خفیہ لیبارٹریوں کے ذریعے مصنوعی منشیات تیار اور فروخت کرتا تھا۔
کارروائی کے دوران حکام نے 750 کلوگرام سے زائد منشیات اور غیر قانونی اسلحہ برآمد کیا۔
واضح رہے کہ سارہ خلیفہ ایک معروف میڈیا شخصیت ہیں جو جرائم اور سیکیورٹی سے متعلق ٹی وی پروگرام 'مشن امپاسیبل' کی میزبانی کرتی تھیں۔