کراچی کے علاقے سائٹ ٹاؤن میں میٹروول کے قریب واقع ایک دھاگہ فیکٹری کی تیسری منزل پر قائم گودام میں شارٹ سرکٹ کے باعث اچانک آگ بھڑک اٹھی، جہاں بڑی تعداد میں دھاگے کے کون موجود ہونے کی وجہ سے آگ نے تیزی سے زور پکڑ لیا۔
بروقت کارروائی کرتے ہوئے عمارت کو فوری طور پر خالی کرا لیا گیا جس کے نتیجے میں کسی جانی نقصان کی اطلاع نہیں ملی۔
واقعے کی اطلاع ملتے ہی فائر بریگیڈ کی 7 گاڑیاں اور کے ایم سی کی ایک اسنارکل موقع پر پہنچ گئی، جبکہ آگ کی شدت کے پیش نظر واٹر کارپوریشن نے کرش پلانٹ ہائیڈرنٹ پر ایمرجنسی نافذ کرتے ہوئے ٹینکرز کی مسلسل فراہمی شروع کردی ہے اور اعلیٰ حکام کی نگرانی میں فائر فائٹنگ کا عمل جاری ہے۔