باغوں کے شہر لاہور میں فضائی آلودگی کی شدت برقرار ہے، شہر کا مجموعی ایئر کوالٹی انڈیکس (اے کیو آئی) 362 ریکارڈ کیا گیا، جس کے باعث لاہور ایک بار پھر دنیا کے آلودہ ترین شہروں میں سرفہرست آگیا۔
فضائی آلودگی کے حوالے سے شہر کے مختلف علاقوں کی صورتحال بھی تشویشناک رہی، اقبال ٹاؤن میں اے کیو آئی کی سطح 722 تک پہنچ گئی، جبکہ برکی روڈ پر 455، ماڈل ٹاؤن میں 362، ڈی ایچ اے فیز 5 میں 282 اور بیدیاں روڈ پر 264 ریکارڈ کی گئی۔
آلودگی کی بڑھتی ہوئی شرح کے باعث شہریوں کو سانس لینے میں مشکلات اور مختلف طبی مسائل کا سامنا ہے، جبکہ ماہرین صحت نے شہریوں کو غیر ضروری طور پر گھروں سے باہر نکلنے سے گریز اور احتیاطی تدابیر اختیار کرنے کی ہدایت کی ہے۔