ارجنٹینا کے سپر اسٹار فٹبالر اور انٹر میامی کے کپتان لیونل میسی نے مسلسل دوسرے سیزن میں گولڈن بوٹ ایوارڈ جیت کر میجر لیگ سوکر (MLS) میں نئی تاریخ رقم کردی۔
میسی نے 2026 کے سیزن میں 31 میچز کھیل کر 26 گول اسکور کیے جبکہ 17 گولز میں معاونت فراہم کی۔ اس طرح وہ مجموعی طور پر 43 گولز میں براہ راست شریک رہے۔
گولز کی دوڑ میں ایف سی ڈیلاس کے پیٹر موسا 22 گولز کے ساتھ دوسرے نمبر پر رہے۔
لیونل میسی نے 2025 کے سیزن میں بھی 29 گول کرکے گولڈن بوٹ ایوارڈ جیتا تھا۔ وہ اب یہ اعزاز ایک سے زائد مرتبہ حاصل کرنے والے لیگ کی تاریخ کے چھ کھلاڑیوں میں شامل ہوگئے ہیں۔
میسی کی کارکردگی کا اندازہ اس بات سے لگایا جاسکتا ہے کہ ان کے 26 گولز میں سے صرف ایک پنالٹی کک پر تھا جبکہ فی میچ گول کرنے کی اوسط 0.87 رہی۔