ایران کے صدر مسعود پزشکیان نے اپنے ایک بیان میں کہا ہے کہ امریکا اور اسرائیل کو ان کے گھناؤنے جرائم کا انجام انتخابات کے نتائج کی صورت میں بھگتنا پڑا ہے۔
انہوں نے میڈیا سے گفتگو کرتے ہوئے نشاندہی کی کہ نہ صرف امریکا بلکہ یورپی انتخابات کے نتائج نے بھی یہ ثابت کر دیا ہے کہ عوام جنگ پسندانہ پالیسیوں اور نظریات کے سخت خلاف ہیں۔
ایرانی صدر نے آئندہ ہونے والے 'کوپ 31' (COP31) اجلاس کا حوالہ دیتے ہوئے کہا کہ یہ عالمی فورم خطے کے ماحولیات پر امریکی اور اسرائیلی جارحیت کے تباہ کن اثرات کو دنیا کے سامنے پیش کرنے کا ایک بہترین موقع ہے۔
انہوں نے عزم ظاہر کیا کہ اس اجلاس کے دوران ایران، امریکی اور اسرائیلی اقدامات کے باعث علاقائی ماحولیات کو پہنچنے والے نقصانات پر تفصیل سے بات چیت کرے گا اور ان کے منفی اثرات کو اجاگر کرے گا۔