سعودی عرب نے مکہ مکرمہ کی سمت بڑھنے والے دو بیلسٹک میزائل فضا میں تباہ کرنے کا دعویٰ کیا ہے۔ حکام کے مطابق فضائی دفاعی نظام نے دونوں میزائلوں کو راستے میں ہی روک لیا، تاہم ان کے ٹکڑے مختلف مقامات پر جا گرے۔
خبر رساں ادارے رائٹرز کے مطابق سعودی حکام نے بتایا کہ میزائلوں کا ملبہ صبوحہ گاؤں اور وادی المغمس میں گرا۔ یہ علاقے مسجد الحرام سے بالترتیب تقریباً 35 اور 21 کلومیٹر کے فاصلے پر واقع ہیں۔
سعودی سول ڈیفنس نے واقعے کی ذمہ داری حوثیوں پر عائد کرتے ہوئے شہری علاقوں کی جانب میزائل داغنے کو بین الاقوامی قوانین کی خلاف ورزی قرار دیا ہے۔ تاہم حوثیوں کی جانب سے اس الزام پر کوئی مؤقف سامنے نہیں آیا اور نہ ہی واقعے کی آزاد ذرائع سے تصدیق ہوسکی ہے۔