اورماڑہ کے قریب بسول کے مقام پر مکران کوسٹل ہائی وے پر تربت سے کراچی جانے والی مسافر بس اور گیس باؤزر کے درمیان خوفناک تصادم کے نتیجے میں دونوں گاڑیوں میں شدید آگ بھڑک اٹھی۔
عینی شاہدین کے مطابق حادثے کے وقت مسافر بس میں خواتین اور بچوں سمیت متعدد مسافر سوار تھے، جن کی چیخ و پکار سنائی دے رہی ہے جبکہ آگ کی شدت کے باعث متعدد ہلاکتوں کا خدشہ ظاہر کیا جا رہا ہے۔
ایس پی اسلم بنگلزئی کا کہنا ہے کہ ریسکیو عملے کو فوری طور پر جائے حادثہ کی جانب روانہ کردیا گیا ہے، تاہم حادثے میں ہونے والی ہلاکتوں اور زخمیوں کی تعداد سے متعلق تاحال کوئی مصدقہ معلومات موصول نہیں ہوسکی ہیں۔