پاکستان نے بھارتی طیاروں کے لیے اپنی فضائی حدود کے استعمال پر عائد پابندی میں مزید توسیع کردی ہے۔
پاکستان ایئرپورٹس اتھارٹی (PAA) کی جانب سے جاری نوٹم کے مطابق بھارتی طیاروں کے لیے پاکستانی فضائی حدود کی بندش 24 دسمبر 2026 کو صبح 4 بج کر 59 منٹ تک برقرار رہے گی۔
نوٹم کے مطابق بھارتی رجسٹرڈ اور بھارتی ایئرلائنز کے زیرِ انتظام، ملکیتی یا لیز پر لیے گئے طیارے پاکستانی فضائی حدود استعمال نہیں کرسکیں گے۔
پاکستانی فضائی حدود بھارتی فوجی پروازوں کے لیے بھی بند رہیں گی، نوٹم میں واضح کیا گیا ہے۔