جنگی حکمتِ عملی میں مصنوعی ذہانت اور انفارمیشن ٹیکنالوجی نے نئی جہتیں پیدا کردی ہیں، نیول چیف

image

پاک بحریہ کے سربراہ ایڈمرل نوید اشرف نے کہا ہے کہ مصنوعی ذہانت اور انفارمیشن ٹیکنالوجی میں ہونے والی تیز رفتار پیش رفت کے باعث جنگی طریقہ کار میں نمایاں تبدیلی آئی ہے، جس کے پیش نظر مسلح افواج کو ابھرتے ہوئے چیلنجز سے نمٹنے کے لیے خود کو جدید تقاضوں سے ہم آہنگ کرنا ہوگا۔

پاکستان ایئر فورس کے کیڈٹس کی پاسنگ آؤٹ پریڈ سے خطاب کرتے ہوئے ایڈمرل نوید اشرف نے کہا کہ پاکستان اور ترکیہ کے درمیان دیرینہ دفاعی شراکت داری قائم ہے، دونوں ممالک نے مشکل وقت میں ایک دوسرے کا بھرپور ساتھ دیا ہے۔

نیول چیف نے کہا کہ پاک بحریہ نے جدید خطوط پر استوار ہونے اور اپنی جنگی صلاحیتوں میں اضافے کے حوالے سے نمایاں پیش رفت کی ہے اور وہ کسی بھی جارحیت کا مؤثر انداز میں مقابلہ کرنے کی مکمل صلاحیت رکھتی ہے۔

ایڈمرل نوید اشرف نے کہا کہ موجودہ دور میں ٹیکنالوجی نے جنگ کے انداز کو تبدیل کر دیا ہے، لہٰذا مسلح افواج کو جدید ٹیکنالوجی، مصنوعی ذہانت اور انفارمیشن ٹیکنالوجی سے استفادہ کرتے ہوئے اپنی دفاعی صلاحیتوں کو مزید مضبوط بنانا ہوگا۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US