میر علی میں سیکیورٹی فورسز کی کارروائی، زنانہ لباس میں فرار ہونے والے خوارج مارے گئے

image

شمالی وزیرستان کے علاقے میر علی میں عزمِ استحکام وژن کے تحت سیکیورٹی فورسز نے فتنہ الخوارج کے خلاف کارروائی کرتے ہوئے خواتین کے لباس میں رکشے کے ذریعے فرار ہونے کی کوشش کرنے والے خارجی دہشت گردوں کو ہلاک کردیا۔

سیکیورٹی ذرائع نے اس واقعے پر ردعمل دیتے ہوئے کہا ہے کہ دہشت گرد اپنی جان بچانے کے لیے انتہائی غیر اخلاقی اور گھٹیا ہتھکنڈے اپنا رہے ہیں، جو نہ صرف سماجی و اخلاقی اقدار کی خلاف ورزی ہے بلکہ خواتین کے تقدس کو پامال کرنے کے مترادف بھی ہے۔

ذرائع نے مزید انکشاف کیا ہے کہ خیبر پختونخوا میں سرگرم یہ دہشت گرد عناصر شہری آبادی اور مساجد کو اپنی پناہ گاہ کے طور پر استعمال کر رہے ہیں اور وہاں دھماکا خیز مواد ذخیرہ کرنے کے ٹھوس شواہد بھی سامنے آئے ہیں۔

مزید برآں، یہ عناصر قانون نافذ کرنے والے اداروں کی کارروائیوں سے بچنے کے لیے معصوم خواتین اور بچوں کو انسانی ڈھال کے طور پر استعمال کرنے سے بھی گریز نہیں کرتے۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US