ایرانی خواتین کو بھی اسٹیڈیم جانے کی اجازت مل گئی

ایرانی خواتین کیلئے بھی خوشی کی خبر آگئی، حکومت نے اسٹیڈیم جا کر براہ فٹبال میچ دیکھنے کی اجازت دیدی، اس سے قبل سعودی عرب میں بھی خواتین کو گاڑی چلانے کی اجازت سمیت کئی سہولتیں دی جاچکی ہیں۔

غیر ملکی خبر رساں ادارے اے ایف پی  کے مطابق ایران میں 1979ء میں انقلاب کے بعد خواتین کیلئے یہ پہلا موقع ہو گا جب وہ اسٹیڈیم جاکر مرد وں کے میچز براہ راست دیکھ سکیں گی ۔

گزشتہ ماہ ایران نے اکتوبر میں ہونیوالے فیفا ورلڈ کپ کوالیفائر کیلئے خواتین شائقین کو اسٹیڈیم میں جانے کی اجازت دی تھی ، خواتین کو میچ دیکھنے کی اجازت ملنے کے بعد پہلا میچ تہران کے آزادی اسٹیڈیم میں 10 اکتوبر کو ہوگا جس میں خواتین شائقین کی شرکت کیلئے مکمل انتظامات کئے گئے ہیں۔

رپورٹ کے مطابق اسٹیڈیم میں 80 ہزار نشستوں میں سے 3ہزار سے زائد نشستیں خواتین شائقین کیلئے مختص کی گئی ہیں، جبکہ ان کیلئے سیکیورٹی کے بھی سخت انتظامات کئے گئے ہیں۔

خواتین شائقین نے اس اقدام پر خوش کا اظہار کرتے ہوئے کہا ہے کہ وہ بھی اب آزادی سے اپنی پسندیدہ ٹیموں کے میچز دیکھ سکیں گی۔یاد رہے کہ سعودی عرب میں بھی خواتین کو گاڑی چلانے کی اجازت سمیت کئی سہولتیں دی جاچکی ہیں۔

 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.