ڈبلیو ڈبلیو ای کا لیجنڈ کھلاڑیوں کو کراﺅن جیول میں شریک کرنے سے انکار

ورلڈ ریسلنگ انٹرٹینمنٹ (ڈبلیو ڈبلیو ای) نے ریسلنگ کے کھیل کے لیجنڈ کھلاڑی انڈر ٹیکر، جون سینا اور گولڈ برگ کو سعودی عرب لے جانے سے انکار کردیا۔

تفصیلات کے مطابق ڈبلیو ڈبلیو ای کے زیر اہتمام 31 اکتوبر کو سعودی عرب میں ’ کراﺅن جیول‘ کا ایونٹ ہونا ہے جس میں انڈر ٹیکر کی جگہ معروف باکسر ٹائسن فیوری کو شامل کیا گیا ہے۔

یہ پہلی بار ہوگا کہ ڈبلیو ڈبلیو ای کے سعودی عرب میں ہونے والے کسی ایونٹ میں انڈر ٹیکر شریک نہیں ہوں گے جبکہ ٹائسن فیوری نے ڈبلیو ڈبلیو ای کے ساتھ سعودی عرب میں پرفارم کرنے کیلئے 12 ملین پاﺅنڈ (تقریباً ڈھائی ارب روپے) میں معاہدہ کیا ہے۔

سعودی عرب میں ہونے والے ایونٹ میں ان کا اپنی زندگی کے پہلے ریسلنگ میچ میں بران اسٹرومین سے مقابلہ ہوگا جبکہ ایم ایم اے فائٹر کین ویلاسکوئز کا مقابلہ اپنے یو ایف سی کے پرانے حریف بروک لیزنر سے ہوگا اور دی ریسلنگ آبزرور کے مطابق انڈر ٹیکر کو ڈبلیو ڈبلیو ای انتظامیہ نے پیغام دیا ہے کہ ان کے سعودی عرب ایونٹ کیلئے ٹائسن فیوری اور ویلاسکوئز موجود ہیں اس لیے آپ کی ضرورت نہیں ہے۔

خیال رہے کہ مذکورہ تینوں ریسلرز سعودی عرب میں ہونے والے میچز میں باقاعدگی سے حصہ لیتے رہے ہیں لیکن اب کی بار انہیں سائڈ لائن کردیا گیا ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.