واٹس ایپ پرگروپ چیٹ پرائیویسی سے متعلق اہم اقدام

واٹس ایپ کی سہولت پروفیشنلی یا دوستوں سے رابطے میں میں رہنےکیلئے بہترین مانی جاتی ہے لیکن بیشتر صارفین کواس وقت شدید کوفت کا سامنا کرنا پڑتا ہےجب کوئی بھی ایرا غیرا ان کی اجازت کے بغیرکسی بھی گروپ میں شامل کرلیتا ہے۔

فیس بک کے زیرانتظام واٹس ایپ کی جانب سے اب اس مسئلے کا حل نکال لیا گیا ہے۔

کمپنی کی جانب سے اینڈرائڈ اورآئی ایس اوصارفین کے لیےفراہم کی جانے والی نئی پرائیویسی سیٹنگ کے تحت اب صارف کواس کی اجازت کے بغیرکسی بھی گروپ میں شامل نہیں کیا جاسکتا۔

ترجمان واٹس ایپ کے مطابق بیشترصارفین نےانفرادی طورپراس اقدام کی درخواست کی تھی کیونکہ وہ کسی بھی گروپ میں بغیراجازت شامل کرلیے جانے سے پریشان تھے۔

ترجمان نے بتایا کہ کمپنی کی جانب سے پیش کیے جانے والے اس آپشن کے بعد صارفین کی اپنی مرضی پرمنحصرہوگا کہ وہ کس گروپ کا انتخاب کرناچاہتے ہیں اورکس میں شامل نہیں ہونا چاہتے۔

اس مقصد کیلئے صارفین اکاؤنٹ میں جا کر پرائیویسی کے آپشن میں جائیں، گروپ سیکشن میں مینیو کا انتخاب کریں جس میں 3 آپشن دیے گئے ہیں۔ مائی کانٹیکٹس (صرف وہی افراد گروپ میں شامل کرسکتے ہیں جو آپ سے رابطے میں ہیں) ، ایوری ون (کوئی بھی آپ کو کسی گروپ میں شامل کرسکتاہے) ، مائی کانٹیکٹ ایکسیپٹ ( صارف کو اختیار ہو گا کہ وہ اپنے رابطے میں موجود کانٹیکٹس کو اسے کسی گروپ میں شامل کرنے کا اختیار دے یا نہ دے) ۔

ان 3 آپشنزمیں سے کسی ایک کا انتخاب کرلیں اوراگر کوئی صارف کسی گروپ کا حصہ نہیں بنناچاہتا تو مائی کانٹیکٹس ایکسیپٹ میں ’’ سلیکٹ آل‘‘ کا آپشن منتخب کرسکتا ہے۔

کمپنی کا ماننا ہے کہ اس فیچر کے استعمال سے شکایت کرنے والے صارفین کو ذہنی سکون ملے گا۔

 

 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.