خانیوال: اسپتال اور ڈاکٹر کی مبینہ غفلت سے 14 سالہ بچی جاں بحق

خانیوال: اسپتال انتظامیہ اور ڈاکٹروں کی مبینہ غفلت سے کم عمر بچی جان کی بازی ہار گئی۔ بچی کے لواحقین نے نعش سڑک پہ رکھ کر احتجاج شروع کردیا ہے لیکن تاحال ضلعی انتظامیہ کی جانب سے کوئی توجہ نہیں دی گئی ہے۔

ہم نیوز کے مطابق ڈیرہ غازی خان کی رہائشی 14 سالہ آسیہ کلثوم نامی بچی نجی کلینک ظفر اسپتال آنکھ کے آپریشن کے لیے لائی گئی تھی۔ آپریشن کے لیے اس کے اہل خانہ نے ایک لاکھ روپے بطور فیس بھی ادا کیے تھے۔

آسیہ کلثوم کے ورثا کے مطابق آپریشن سے قبل بچی کو بیہوشی کی دوا زیادہ مقدار میں دے دی گئی جس کی وجہ سے وہ انتقال کرگئی ہے۔

ہم نیوز نے اس ضمن میں جب ظفر اسپتال کی انتظامیہ سے مؤقف لینے کی کوشش کی تو اس نے کسی بھی قسم کی بات چیت سے انکار کردیا۔ ڈاکٹر نے بھی مؤقف نہیں دیا۔

14 سالہ بچی کے لواحقین نے نعش سڑک پہ رکھ  کر مرکزی شاہراہ ہر قسم کے ٹریفک کے لیے بند کردی ہے لیکن تاحال ضلعی انتظامیہ کی جانب سے کوئی قدم نہیں اٹھایا گیا ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.