فردوس عاشق اعوان کی کینیڈین ہائی کمشنر سےملاقات

وزیر اعظم کی معاون خصوصی برائے اطلاعات و نشریات ڈاکٹر فردوس عاشق اعوان کی اسلام آباد میں کینیڈین ہائی کمشنر وینڈی گلمور سےملاقات ہوئی۔

ملاقات میں گفتگو کرتے ہوئے  وزیر اعظم کی معاون خصوصی برائے اطلاعات و نشریات نے کہا کہ پاکستان اورکینیڈا کی  میڈیا،فلم اورکوپروڈکشن میں تعاون ضروری ہے

 ڈاکٹر فردوس عاشق اعوان نے کہا کہ کینیڈامیں اردواورپنجابی زبان بولنے والوں کی بڑی تعدادہے اور پاکستان چاہتاہےکہ اس کی فلمیں کینیڈا کی سکرینوں کی زینت بنیں۔

ڈاکٹر فردوس عاشق اعوان نے یہ بھی  کہا کہ فلم کسی بھی معاشرے کی ثقافت کومتعارف کرانے کاذریعہ ہے اور موجودہ حکومت اہم شعبوں میں اصلاحات کیلئے کوشاں ہے۔

 وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے مزید کہا کہ پاکستان غیرملکی سیاحوں کے خیرمقدم کیلئے تیارہےجبکہ کرتارپورراہداری مذہبی سیاحت کی طرف ایک اہم قدم ہے۔

اس موقع پر کینیڈین ہائی کمشنر وینڈی گلمور نے  نجی پروڈکشن کمپنیوں کےساتھ مل کرکام کرنے کی خواہش کااظہار کیا ۔

کینیڈاکی ہائی کمشنر وینڈی گلمور نے معاون خصوصی برائے اطلاعات و نشریات سے ملاقات میں کہا کہ پنجابی  کینیڈامیں بولی جانے والی چوتھی بڑی زبان ہےجبکہ کینیڈامیں متعددپنجابی اخبارات اورریڈیوچینلزموجودہیں۔

صحافیوں کی ٹریننگ کیلئے فرانس سے تعاون کے خواہاں ہیں، فردوس عاشق اعوانواضح رہے  کہ اس سے قبل وزیر اعظم کی معاون خصوصی برائے اطلاعات و نشریات  نے فرانس کے سفیر مارک بارٹے سے  بھی ملاقات کی تھی۔

ملاقات میں معاون خصوصی  نے دونوں ملکوں  کی اسٹیٹ نیوز ایجینسیز اور نیشنل براڈکاسٹرز کے مابین تعاون بڑھانے کی ضرورت پر زور  دیا۔

ڈاکٹر فردوس عاشق اعوان  کا کہنا تھا  کہ پاکستان میں صحافیوں کی استعداد کار میں اضا فے اور ٹریننگ  کے لیےفرانس سے تعاون کے خواہاں ہیں ۔

 ڈاکٹر فردوس عاشق اعوان نے  یہ بھی کہا  تھا کہ فرانس کی اے ایف پی نیوز ایجنسی کا شمار دنیا کی ٹاپ نیوز ایجینسیز میں ہوتا ہے ۔ چاہتے ہیں کہ اے پی پی ،اے ایف پی کے تجربات سے استفادہ حاصل کرے ۔

وزیر اعظم کی معان خصوصی برائے اطلاعات و نشریات کامزید کہنا تھا کہ نیوز ایجینسیز کے مابین تعاون دونوں ممالک کے عوام کو اہم خبریں  اور اطلاعات پہنچانے  کے لیےضروری ہے ۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.