امریکی صدر ڈونلڈ ٹرمپ بروز پیر کو دو روزہ دورے پر اپنے اہل خانہ کے ہمراہ بھارت کے دارالحکومت دہلی پہنچے۔
بھارتی حکومت اپنی حرکتوں پر ہر طرح پردہ ڈالتی رہی مگر سرکار کے ستائے عوام نے اس موقع کا پورا فائدہ اٹھایا اور پرامن احتجاج کے طور پر شہریت کے متنازع قانون کے خلاف دھرنا دے ڈالا۔۔۔
تاہم اپنے آپ کو امن پسند کہنے والے بھارتی پولیس اہلکار اور بی جے پی کے غنڈے مل کر مظاہرین پر ٹوٹ پڑے، انتہا پسندوں نے مظاہرین کو لاٹھیوں اور ڈنڈوں سے تشدد کا نشانہ بنایا ، گاڑیوں کو آگ لگا دی، املاک کو بھی نقصان پہنچایا۔ جس کے باعث درجنوں افراد جاں بحق اور زخمی ہوچکے ہیں جن میں زیادہ تعداد مسلمانوں کی ہے۔
یہی نہیں ٹرمپ کی خوشامد کی خاطر بی جے پی رہنما نے گزشتہ روز مظاہرین کو تین دن میں دھرنا ختم کرنے کی دھمکی بھی دی تھی۔۔۔ اور دھرنا ختم نہ کرنے کی صورت میں دہلی کے جعفرآباد اور گوکل پوری کے علاقے میدان جنگ بنا دیا۔۔۔