پاکستان کو متعدد نامور ڈرامے دینے والے مصنف خلیل الحمٰن قمر میرے پاس تم ہو کے بعد سے اب تک خبروں کی زینت بنے ہوئے ہیں۔
حال ہی میں خلیل صاحب پاکستان کے معروف اینکر پرسن وسیم بادامی کے پروگرام ہر لمحہ پر جوش میں بطور مہمان تشریف لائے۔ پوچھے جانے والے سوالوں کے دوران پروگرام کے میزبان نے ان سے سوال کیا کہ 'ڈرامہ الف کے بارے میں کیا کہیں گے؟'
سوال کے جواب میں خلیل الحمٰن قمر نے کہا کہ 'یہ ایک بہترین ڈرامہ ہے لیکن بد قسمتی سے اس ڈرامہ کو اتنی شہرت نہیں مِل سکی جتنی میرے پاس تم ہو کو مِلی'۔
خلیل الحمٰن کا مزید کہنا تھا کہ 'اس ڈرامہ کے آن ائیر کرنے والوں نے یہ بڑی غلطی کی جو اسے میرے پاس تم ہو کے ساتھ آن ائیر کر دیا گیا'۔
خلیل الحمٰن قمر نے اِس حوالے سے کہا کہ 'اگر الف ہٹ ہوا ہوتا تو میں میرے پاس تم ہو اس وقت کبھی نا لگنے دیتا'۔