برطانیہ کے شاہی خاندان سے علیحدگی اختیار کرنے والے پرنس ہیری سے متعلق ایک انکشاف سامنے آیا ہے۔
بین الاقوامی ویب سائٹ کی رپورٹ کے مطابق پرنس ہیری نے سوشل میڈیا ویب سائٹ فیس بک پر اپنا خفیہ اکاؤنٹ اسپائک کے نام سے بنایا ہوا تھا، جسے وہ عام صارفین کی طرح استعمال کرتے تھے۔
پرنس ہیری نے خفیہ اکاؤنٹ رکھ کر شاہی خاندان کے سوشل میڈیا قواعد و ضوابط کو بھی توڑا۔
گزشتہ دنوں چیلسے ڈیوی سے ملاقات کے دوران پرنس ہیری نے خود ہی اس حوالے سے انکشاف کیا کہ انہوں نے اپنی خواہشات کو پورا کرنے کے لئے فیس بک پر ایک خفیہ اکاؤنٹ بنایا۔
رپورٹ کے مطابق شہزادہ ہیری کے اُس فیس بک اکاؤنٹ پر چار سو سے زائد دوست تھے جس میں برطانیہ کی مشہور شخصیات بھی شامل تھیں۔ بعد ازاں
کچھ عرصے بعد پرنس نے اُس اکاؤنٹ کو ڈیلیٹ کردیا۔
رپورٹ کے مطابق یہ بھی معلوم ہوا کہ پرنس ہیری نے اس اکاؤنٹ کو 2008 سے 2012 تک استعمال کیا تھا اور خود کو ایک عام صارف ظاہر کیا تھا۔