کیا چھوٹے بچوں کو فیس ماسک پہنانا نقصان دہ ہے؟ وارننگ جاری

کورونا وائرس کے خطرے کے پیشِ نظر دنیا بھر کے ماہرین کی جانب سے احتیاطی تدابیر اپناتے ہوئے فیس ماسک کا استعمال لازمی قرار دیا گیا ہے لیکن وہیں سعودی وزارت صحت کے ترجمان ڈاکٹر محمد العبد العالی نے ایسے دو زمروں کا تعین کیا ہے جنہیں حفاظتی ماسک استعمال کرنا ضروری نہیں ہے۔

سعودی میڈیا کے مطابق سعودی عرب کے وزارت صحت کے ترجمان ڈاکٹر العبد العالی کا کہنا ہے کہ دو زمرے ایسے ہیں جن سے تعلق رکھنے والوں کو ڈاکٹرز کی جانب سے ماسک استعمال کرنے کا مشورہ نہیں دیا جارہا ہے۔

سعودی ترجمان کے مطابق ڈاکٹروں کا کہنا ہے کہ دو برس سے کم عمر کے بچوں کو حفاظتی ماسک نہ پہنایا جائے، کیونکہ چھوٹی سی غلطی سے انہیں ماسک کا استعمال فائدے کے بجائے نقصان پہنچا سکتا ہے۔

سعودی وزارت صحت کے ترجمان کے مطابق سانس کی بیماریوں میں مبتلا لوگوں کو بھی حفاظتی ماسک کے استعمال کا مشورہ نہیں دیا جارہا ہے، انہوں نے کہا کہ وہ سعودی شہری اور ملک میں مقیم غیرملکی افراد جو سانس کی بیماریوں میں مبتلا ہیں وہ حفاظتی ماسک کے استعمال کے حوالے سے اپنے ڈاکٹر سے مشورہ طلب کریں۔

وزارت صحت کے ترجمان کا مزید کہنا ہے کہ بچے ہوں یا سانس کے امراض میں مبتلا افراد دونوں کے لئے حفاظتی ماسک کے استعمال سے زیادہ دیگر احتیاطی تدابیر جیسے سماجی فاصلے کا دھیان رکھنا انتہائی ضروری ہے۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

1191