ایسرابالجیک اورپی ایس ایل برانڈایمبیسڈر،شرمین عبیدچنائےبرہم

کولاج: سماء ڈیجیٹل

فلمساز شرمین عبید چنائے نے ترک ڈرامہ سیریل ”ارطغرل غازی” میں مرکزی کردار ادا کرنے والی اداکارہ حلیمہ سلطان کو پاکستان سپرلیگ میں پشاور زلمی کا برانڈ ایمبیسڈر بنائے جانے سے متعلق اطلاعات پرناخوشی کااظہارکیا ہے۔

شرمین عبید چنائے نے اپنے تحفظات کااظہار کرتے ہوئے ایک انسٹاگرام پوسٹ پرتبصرہ کیا” ایک ترک اداکارہ جس کے ملک میں اسپورٹس نہیں کھیلے جاتے اب کرکٹ کاچہرہ بنے گی۔پاکستانی اداکاراوں کے ساتھ کیا ہوا، کیا وہ سب غائب ہوگئی ہیں جو ہمیں غیرملکی اداکارہ کی ضرورت پڑگئی”۔

ایک ایسے صارف کو جواب مدیتے ہوئے جس کا کہنا تھا کہ غیر ملکی اداکار پاکستانی فلمی صنعت کی نمائندگی کریں گےشرمین نے مزید لکھا کہ ”اگر ترک اداکاروں کو اسی طرح ادائیگیاں کرتے رہے تو ہماری بچی کھچی صنعت بھی ختم ہوجائے گی ۔ یہ سب ہمارے پاکستانی فنکار بھی کرسکتے ہیں”۔

اداکارہ کی تازہ ٹویٹ نے ان اطلاعات کو ایک بارپھر تقویت دی کہ وہ پاکستان سپرلیگ کے سیزن 6 میں پشاور زلمی کی برانڈ ایمبیسڈرہوں گی۔

 جولائی 2020 میں پشاورزلمی کے مالک جاوید آفریدی نے ارطغرل کے ہیرو انجن التان کو ٹیم کا برانڈ ایمبیسڈر بنانے سے متعلق رائے مانگے جانے کے بعد ایسرا کوبرانڈ ایمبیسڈربنانے کاعندیہ دیتے ہوئے ٹویٹ میں لکھا تھا ”کیسا لگے گا اگرہم یہی آفرحلیمہ سلطان کو بھی کریں ”۔

اب ایسرا بلگیچ نے ٹوئٹرپراپنی ٹویٹ اورانسٹا اسٹوری میں اسلامیہ کالج پشاورکی تصویرشیئرکرتے ہوئے لکھا ” پھولوں کا شہر” جس کے بعد بیشترمداحوں نے تبصرہ کیا کہ وہ پشاورمیں موجود ہیں۔

اس سے قبل اسمارٹ فون بنانے والی کمپنی کیو موبائل کیڈیوائس ویومیکس پرو کے لیے برانڈ ایمبیسڈرمقرر کیے جانے کے بعد ایسرا کوٹیلی کام سروس پروائیڈر جازنے بھی اپنا برانڈ ایمبیسڈرمقررکیا، حال ہی میں انہوں نےمعروف فیشن برانڈ کھاڈی کیلئے بھی فوٹوشوٹ کروایاتھا تاہم کسی بھی پراجیکٹ کیلئے وہ پاکستان نہیں آئیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

148