بم سے دھماکے نہیں اب پھول کھلیں گے، فلسطینی خاتون نے حیرت انگیز کام کر کے دنیا کو امن کا پیغام دے دیا۔
سالوں سے اسرائیل کی جانب سے فلسطینیوں پر بمباری کا سلسلہ جاری ہے، چاہے کیمیکل ہوں یا گیس بم فلسطین کی زمین پر ان سب کے ہی خول پڑے دِکھائی دیتے ہیں۔
فلسطین کی ایک خاتون نے ان ہی بموں کو ایک الگ ہی کام میں لے کر سب کو حیران کر دیا ہے، جی ہاں اسرائیل کی طرف سے پھینکے گئے گیس بموں کا فلسطینی خاتون نے نیا استعمال شروع کر دیا، اس خاتون نے قابض اسرائیلی فوج کی طرف سے پھینکے گئے بموں کے خول اکٹھے کیے اور ان کے اندر مٹی بھر کر مختلف پھول اُگا لیے۔
فلسطینی خاتون نے ان بموں کے خول میں اس قدر مختلف پھول اگائے ہیں کہ ان بموں سے انہوں نے اپنے تباہ حال صحن کو گلشن بنا لیا ہے۔
اب ان کے گھر کا صحن جنگ بندی کے باعث تباہ حال نہیں بلکہ رنگ برنگے پھولوں سے سجے گلستان کی مانند دِکھائی دیتا ہے اس خاتون نے ان بموں میں پھول اُگا کر جنگ کے بدلے امن کا پیغام دیا ہے۔