بابراعظم ویرات کوہلی کا ایک اور عالمی ریکارڈ توڑنے کے قریب

قومی کرکٹ ٹیم کے کپتان و مایہ ناز بلے باز بابراعظم بھارتی کپتان ویرات کوہلی کا ایک اور عالمی ریکارڈ توڑنے کے قریب پہنچ چکے ہیں۔

26 سالہ بابراعظم کو ٹی ٹوئنٹی انٹرنیشنل کرکٹ میں تیز ترین 2000 رنز مکمل کرنے کے لیے محض 60 رنز درکار ہیں۔

اس وقت تیز ترین 2 ہزار رنز مکمل کرنے کا ریکارڈ بھارتی کپتان ویرات کوہلی کے پاس ہے جنہوں نے 56 اننگز میں یہ کارنامہ سرانجام دیا تھا۔

حال ہی میں ویرات کوہلی سے ون ڈے انٹرنیشنل میں بلے بازوں کی رینکنگ میں نمبر ون پوزیشن چھیننے والے بابراعظم نے 49 اننگز میں 1940 رنز بنا رکھے ہیں۔

لاہور سے تعلق رکھنے والے دائیں ہاتھ سے کھیلنے والے بابراعظم نے جنوبی افریقا کے خلاف ٹی ٹوئنٹی سیریز میں اپنے کیریئر کی پہلی سنچری بھی اسکور کی تھی۔

بابراعظم کو چار میچوں پر مشتمل سیریز میں عمدہ بلے بازی کا مظاہرہ کرنے پر مین آف دی سیریز کا ایوارڈ دیا گیا تھا۔

واضح رہے کہ پاکستان اور زمبابوے کے مابین تین میچوں پر مشتمل ٹی ٹوئنٹی سیریز کا پہلا میچ کھیلا جائے گا۔

 


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

348