اب اے ٹی ایم مشین پیسے سے نہیں بلکہ کیا چیز چوری ہونے لگی؟ ویڈیو منظر عام پر آگئی

نئی دہلی : بعض لوگوں کو نفسیاتی طور پر چوری کرنے کی عادت ہوتی ہے اور بعد میں یہی عادت ان کی لت بن جاتی ہے، چاہے چوری کی جانے والی چیز سستی ہو اور کارآمد بھی نہ ہو اس کے باوجود ایسے لوگ ان حرکتوں سے باز نہیں آتے۔

اگرچہ کورونا وائرس بھارت میں تباہی مچا رہا ہے اس لیے خود کو اور دوسروں کو بچانے کا واحد حل حفظان صحت کے اصولوں پر عمل کرتے ہوئے سماجی دوری اور ہاتھوں کو سینیٹائز کرنا شامل ہے جس کیلئے حکومتی و نجی سطح پر مختلف مقامات پر عوام کی سہولت کیلئے سینیٹائزر لگائے گئے ہیں۔

ایسے حالات میں بھی کچھ لوگ اس سہولت کا ناجائز فائدہ اٹھانے کی کوشش کرتے ہیں۔ بھارت میں ایک ایسا ہی واقعہ پیش آیا ہے جس میں اے ٹی ایم میں ایک شخص اپنی رقم نکالنے کے بعد وہاں رکھی ہوئی ینڈ سینیٹائزر کی بوتل چوری کرلیتا ہے۔

یہ واقعہ 24 اپریل کو پیش آیا تھا۔ یہ ویڈیو ایک صارف نے سوشل میڈیا پر شیئر کی جو بہت وائرل ہورہی ہے اور لوگ اس شخص کی اس حرکت پر اپنے غصے اور جذبات کا اظہار کررہے ہیں۔

33سیکنڈ کی سی سی ٹی وی فوٹیج میں دکھایا گیا ہے کہ اس شخص نے چہرے پر ماسک پہنا ہوا ہے ، وہ اے ٹی ایم کے استعمال کے بعد کارڈ واپس اپنے بٹوے میں ڈالتا ہے اور ہاتھ سینیٹائز کرنے کے بجائے پوری بوتل کو ہی اپنے بیگ کے اندر رکھ لیتا ہے اور باہر نکل جاتا ہے۔

واضح رہے کہ بھارت میں کورونا وائرس کے نئے اعداد و شمار کے مطابق گزشتہ 24 گھنٹوں کے دوران تقریباً 3ہزار5 سو سے زائد افراد ہلاک ہوئے اور اس طرح بھارت میں پہلی بار کوویڈ 19 سے مرنے والوں کی مجموعی تعداد دو لاکھ سے تجاوز کر گئی ہے۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

641