شیر کو یوں تو جنگل کا بادشاہ ہونے کا اعزاز حاصل ہے اور جنگل میں دیگر جانوروں پر شیر کی دھاک بھی ہوتی ہے اور ہمیشہ ہی یہ دیکھا گیا ہے کہ شیر دوسرے جانوروں کا آرام سے شکار کر لیتا ہے لیکن کبھی کبھار ایسا بھی ہوتا ہے کہ جنگل کے بادشاہ کو منہ کی بھی کھانی پڑتی ہے، اسی قسم کا ایک واقعہ افریقی ملک کینیا کے جنگل میں بھی پیش آیا جہاں 4 شیر بھینسوں کے جھنڈ کا شکار کر رہے تھے لیکن ان چاروں شیروں کا منوہبہ کچھ ہی دیر میں ناکام ہو گیا کیونکہ بھینسوں کے جھنڈ نے یہ بھانپ لیا تھا کہ شیر انکو اپنا شکار بنانے والے ہیں۔
جنگل کے دلچسپ واقعے کی یہ تصاویر ناروے سے تعلق رکھنے والے اولو نامی فوٹو گرافر نے اپنے کیمرے میں قید کی اس سارے واقعے کے بارے میں فوٹوگرافر اولو کا کہنا ہے کہ بھینسوں نے جیسے ہی محسوس کیا کہ ان پر حملہ ہونے والا ہے تو بھینسوں کے جھنڈ نے شیروں پر دھاوا بول دیا جس کے نتیجے میں 3 شیر بھاگ گئے اور 1 شیر اکیلا رہ گیا۔
اکیلے رہنے والے شیر کو اپنی جان بچانے کیلئے درخت پر چڑھنا پڑا اور یہ شیر تقریباََ ایک گھنٹہ درخت پر ہی بیٹھا اپنی بے بسی دیکھتا رہا۔