امریکی قونصل جنرل مارک اسٹرو کی مزار قائد پر حاضری

image

کراچی: امریکی قونصل جنرل کراچی مارک اسٹرو نےمزار قائد پر حاضری دی اور بانی پاکستان قائداعظم محمد علی جناح کو خراج عقیدت پیش کیا۔ مارک اسٹرو نے قائداعظم کی قبر پر گلدستہ رکھا اور امریکی عوام کی جانب سے مہمانوں کی کتاب میں تاثرات درج کیے۔

اپنے پیغام میں قونصل جنرل نے لکھا، ”امریکی عوام کی جانب سے قائداعظم محمدعلی جناح کے مزار پر آکر انہیں خراج عقیدت پیش کرنا میرے لیے باعثِ اعزاز ہے۔

امریکا اور پاکستان کے درمیان شراکت داری کا مضبوط تعلق دونوں اقوام کے بانی ان کے دوران دیش تصور، اقدار اور آرزوؤں کا عکاس ہے جس میں آزادی، مساوات، مذہب اور برواداری شامل ہیں۔

میں امید کرتا ہوں کہ دونوں عظیم اقوام کی مشترکہ جمہوری بنیادیں امریکی اور پاکستانی عوام کے بیچ قائم تعلق کو مزید گہرا اور مستحکم بناتے رہیں گے تاکہ یہ تعلق آنےوالی نسلوں تک قائم ودائم رہے۔

امریکی قونصل جنرل نے قائداعظم کی ہمشیرہ محترمہ فاطمہ جناح اور پاکستان کے پہلے وزیراعظم لیاقت علی خان کے مزارات پر بھی حاضری دی۔

انہوں نے مزار قائد سے متصل میوزیم کا دورہ کیا اور وہاں قائداعظم محمدعلی جناح سے منسوب تاریخی نوادرات کے ذخیرے کو سراہا۔


About the Author:

Zain Basit is a skilled content writer with a passion for politics, technology, and entertainment. He has a degree in Mass Communication and has been writing engaging content for Hamariweb for over 3 years.

پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Get Alerts