عمر شریف کو امریکا بھیجنے کے لئے ایئر ایمبولینس کے انتظامات مکمل

عمر شریف کے دل کا عارضہ بدستور بگڑتا جا رہا ہے جس کی وجہ سے ان کا ذہنی توازن بھی مکمل طور پر کام نہیں کر رہا ہے اور نہ وہ کسی کو پہچان رہے ہیں جس کے بارے میں کل ہی ان کے بیٹے نے بتایا تھا جس پر حکومت کی جانب سے عمر شریف کو امریکا بھیجنے کے اقدامات پر فوری غور کیا گیا اور شہباز گل نے بیان جاری کی کہ وزیرِاعظم ہاؤس سے بھی مدد کی یقین دہائی کروائی گئی ہے۔

اب عمر شریف کو امریکا لے جانے کے لئے ایمبولینس کا بندوبست کرلیا گیا ہے۔ ایڈمنسٹریٹر مرتضیٰ وہاب نے بھی اس حوالے سے یقین دہانی کرا دی جس کے بعد عمر شریف کی اہلیہ زریں نے بھی تصدیق کر دی ہے۔ ایئر ایمبولینس سے ان کو براہِ راست واشنگٹن بھیجا جا رہا ہے۔

وزیرِ اعظم آفس نے عمر شریف کے ویزے کے تمام کوائف سفارت خانے بھجوا دیئے ہیں اور شہباز گل کے مطابق جلد ہی ان کو ویزا جاری کر دیا جائے گا۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

75949