معروف اداکارہ اقراء عزیز نے اپنے دوسرے بچے کی منصوبہ بندی اور اس کے پیچھے سوچ کے بارے میں بات کی ہے۔ اقراء عزیز جو اپنے ڈراموں جیسے رقیب سے، رنجھا رنجھا کردی اور سنو چاندا کے لیے مشہور ہیں نے حال ہی میں انہوں نے دوسری مرتبہ حاملہ ہونے کا اعلان کیا تھا۔
اقراء عزیز نے کہا کہ یاسر حسین کے 10 بہن بھائی ہیں اور وہ سمجھتی ہیں کہ بڑے خاندان میں رہنا بہت اچھا ہے کیونکہ ہمیشہ کوئی نہ کوئی آپ کے ساتھ رہتا ہے۔ انہوں نے مزید کہا کہ بچوں کے لیے بھی یہ خوشی کی بات ہے کہ وہ اپنے بہن بھائیوں کے ساتھ کھیل سکیں اور انہیں باہر کے کسی کی ضرورت نہ پڑے۔
سوشل میڈیا پر اقراء عزیز کے خیالات پر مداح مثبت ردعمل دے رہے ہیں۔ ایک صارف نے لکھا بڑے خاندان میں ہونا واقعی بہت اچھا ہے جبکہ دوسرے نے کہا آپ بالکل درست کہہ رہی ہیں اور ایک نے کہا کتنی منفرد اور جدید سوچ ہے۔