سوشل میڈیا پر آئے دن مختلف اقسام کی ویڈیوز زیرِ گردش رہتی ہیں جنہیں صارفین دیکھ کر کافی حیرت کا اظہار کرتے ہیں۔
اب ایک ایسی ہی ویڈیو سوشل میڈیا پر وائرل ہو رہی ہے جس میں وہ دیکھا گیا جو آج سے پہلے کبھی کسی نے نہیں دیکھا ہوگا۔
وائرل ہونے والی ویڈیو میں دیکھا جا سکتا ہے کہ ڈرون کی مدد سے کمرے کی چھت پر بلب لگانے کی کامیاب کوشش کی جا رہی ہے۔
ڈرون کنٹرول کرنے والا شخص انتہائی مہارت کے ساتھ بلب کو ڈرون کے ذریعے بلب کے ہولڈر تک لے کر جاتا ہے اور چند سیکنڈز میں بلب ہولڈر میں فکس کر دیتا ہے۔
بعدازاں ڈرون کو گھمانے کے بعد جب بلب اندر نصب ہوجاتا ہے تو فوراً ہی بلب جگمگا اٹھتا ہے۔
ویڈیو سوشل میڈیا پر کافی وائرل ہوئی اور اب تک ہزاروں افراد اس مذکورہ ویڈیو کو دیکھ چکے ہیں۔
ویسے تو یہ معلوم نہیں ہوسکا کہ مذکورہ ویڈیو کس ملک کی ہے لیکن ویڈیو سوشل میڈیا ویب سائٹ فیسبک پر ایک لوکل پیج کی جانب سے اپ لوڈ کی گئی تھی جس کے کیپشن پر لکھا تھا کہ آخر ایسی قوم قرض دار کیسے ہوگئی؟ جس پر لوگوں نے بھی اپنے دلچسپ تبصروں کا اظہار کیا۔