بیرون ملک بسنے والے کئی مشکلات کا شکار ہوتے ہیں، انہیں ان مشکلات کا سامنا اکیلے ہی کرنا پڑتا یے، اگرچہ وہ ایک ایسے ملک میں ہوتے ہیں جہاں سہولیات مہیا ہوتی ہیں لیکن پردیس میں ہونے کی وجہ سے وہ تنہا رہ جاتے ہیں۔
مشکلات تو ہر انسان کو برداشت کرنا پڑتی ہیں لیکن آج ایک خوشخبری کے بارے میں بتائیں گے جو ہو سکتا ہے آپ کے چہرے پر مسکراہٹ بکھیر دے۔
کویتی حکومت کی جانب سے پیرا میڈیکل اسٹاف اور ڈاکٹرز کی جدو جہد کو دیکھتے ہوئے ان کی تنخواہوں میں اضافے کا اعلان کیا ہے۔
اضافہ کویتی حکومت کی جانب سے اس وقت سامنے آیا ہے جب کورونا کی صورتحال بھی قابو میں ہے اور ڈاکٹرز کی جانب سے بھی کورونا کی جنگ میں کامیابی کے ساتھ جنگ لڑی ہے۔
کویت کے سول سروس کمیشن نے کویت میں موجود ملکی اور غیر ملکی ڈاکٹرز کی تنخواہوں میں 500 کویتی دینار کا اضافہ کیا ہے۔
تنخواہوں میں اضافی جولائی 2021 سے کیا گیا ہے جبکہ گزشتہ تین ماہ کے اضافے کی تنخواہیں بھی ڈاکٹرز کو دی جائیں گی۔