ربیع الاول کے جلوس میں وائرل ویڈیو کی تحقیقات کا مطالبہ

image

گزشتہ دنوں 12 ربیع الاول کے جلوس کے حوالے سے ایک ویڈیو سوشل میڈیا پر وائرل ہوئی جس میں ایک خاتون کو خوبصورت لباس میں دکھایا گیا تاہم اس ویڈیو پر سوشل میڈیا صارفین نے خوب تنقید کی تھی ۔

اسلامی نظریاتی کونسل کا 225 واں دو روزہ اجلاس آج منعقد ہوا جس میں کونسل نے ملتان میں عید میلاد النبیﷺ کے دوران جلوس میں حورِ جنت کے نام پر کئے جانے والے عمل کو نامناسب قرار دیا ۔

کونسل نے پنجاب حکومت سے مطالبہ کیا کہ اس واقعے کی تحقیقات کر کے ذمہ داران کو قرار واقعی سزا دی جائے اور آئندہ کے لیے ایسی نامناسب حرکتوں کے انسداد کو یقینی بنایا جائے۔

واضح رہے کہ ملتان میں بارہ ربیع الاول کے جلوس میں ایک خاتون کی ویڈیو وائرل ہوئی تھی، اس واقعہ کا  کلپ وائرل ہوا تو صارفین نے اس عمل کو کڑی تنقید کا نشانہ بنایا۔

دوسری جانب اس عمل کے خلاف پنجاب اسمبلی میں تحریک انصاف کی رکن پنجاب اسمبلی سیمابیہ طاہر کی جانب سے بھی تحریک التوا جمع کرائی گئی ہے ۔


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.