پاکستان میں پیٹرول پمپ بند ہونے کی وجہ سے عوام کو شدید پریشانی کا سامنا ہے، جہاں پیٹرول پمپس پر قطاریں لگی ہوئی ہیں وہیں لوگ پیٹرول اس طرح حاصل کرنے کی کوشش کر رہے ہیں جیسے کہ میدان جنگ میں فتح حاصل کرنے کی کوشش کر رہے ہوں۔
ہماری ویب ڈاٹ کام کی اس خبر میں آپ کو ایک ایسی ہی تفریح بھری خبر فراہم کریں گے۔
سوشل میڈیا پر ایک ویڈیو کافی وائرل ہو رہی ہے جس میں دیکھا جا سکتا ہے کہ ایک خاتون برقع اوڑھے ہوئے ہے اور پیٹرول پمپ پر موجود ہے۔
لیکن ہر کوئی اس وقت چونک گیا جب اس خاتون نے برقع اتارا تو نوجوان معلوم ہوا۔ نوجوان برقع اوڑھے ہوئے پیٹرول پمپ پر باری کا انتظار کر رہا تھا۔ جیسے ہی باری آئی تو نوجوان نے برقع اتار پھینکا، جس پر وہاں موجود ایک شخص نے ویڈیو بنا لی۔
ویڈیو بنانے والا شخص اس نوجوان کا دوست معلوم ہو رہا تھا تب ہی تو برقع اتارنے والے نوجوان نے ویڈیو بنانے والے شخص کو کچھ نہیں کہا، حالانکہ ویڈیو بنانے والا شخص اس پوری صورتحال میں ہنس رہا تھا۔
بہرحال نوجوان پیٹرول بھروانے میں کامیاب ہو گیا، لیکن جس پھرتیلے انداز سے اس نوجوان نے برقع اوڑھ کر پیٹرول بھروایا، اس سے یہی معلوم ہوتا ہے کہ یہ شخص اس حوالے سے تجربہ رکھتا ہوگا۔