سعودی عرب میں سال کے سرد ترین ہفتے کا آغاز

image
سعودی ماہرین موسمیات نے خبردار کیا ہے کہ سعودی عرب میں سال کا سرد ترین ہفتہ شروع ہوچکا ہے جس کا بلند ترین نکتہ جمعہ اور ہفتے کے روز دیکھا جائے گا۔

سبق ویب سائٹ کے مطابق ماہرین موسمیات نے کہا ہے کہ رواں ہفتے کے آخر تک کئی سعودی شہروں میں درجہ حرارت نکتہ انجماد تک پہنچ جائے گا۔

ماہرین نے کہا ہے کہ دارالحکومت ریاض، مشرقی اور شمالی علاقے سردی سے سب سے زیادہ متاثر ہوں گے۔

مذکورہ علاقوں میں کمی بیشی کے ساتھ جمعرات کو درجہ حرارت 8 ڈگری سینٹی گریڈ ہوگا مگر جمعہ کے دن ایک ڈگری سینٹی گریڈ جبکہ ہفتے کو منفی تک گر جائے گا۔

#ثلج_الشمال❄️#ثلوج #رحيب جنوب #تبوك

رصد: @Nawaf_s3il pic.twitter.com/RnJQ9FI9Hz

— طقس العرب – السعودية (@ArabiaWeatherSA) January 17, 2022

دوسری طرف طقس العرب ویب سائٹ  کی رپورٹ میں کہا گیا ہے کہ سعودی عرب کی فضاؤں میں دو مختلف سرد لہروں کا ملاپ ہونے جا رہا ہے۔ ایک سرد لہر یورپ سے جبکہ دوسری سرد لہر جنوب مشرق سے آرہی ہے اور ان دونوں کا ملاپ ہفتے کے اختتام پر ہوگا۔

طقس العرب نے کہا ہے کہ دو سرد لہروں کے ملنے سے شمالی علاقے خصوصی طور پر متاثر ہوں گے جبکہ یہ لہر دارالحکومت ریاض اور وسطی علاقوں سمیت مشرقی علاقوں اور مدینہ منورہ تک پھیل جائے گی۔

مذکورہ عرصے کے دوران ایسے علاقوں میں ژالہ باری ہوگی جہاں عام طور پر نہیں ہوتی جبکہ شمالی علاقوں میں زیادہ برفباری ہوگی۔

جبال اللوز الان pic.twitter.com/mjDpwqkSup

— ابوفيصل (@faisal80792720) January 17, 2022

سعودی محکمہ موسمیات نے آنے والے 48 گھنٹوں میں سردی کی شدت میں مزید اضافے کی پیشگوئی بھی کی ہے۔

محکمہ موسمیات نے کہا ہے کہ طریف میں کل رات منفی دو درجہ حرارت ریکارڈ کیا گیا ہے جبکہ رواں ہفتے کے اختتام تک یہ منفی 7 ڈگری تک پہنچ سکتا ہے۔

ادھر تبوک سمیت شمالی علاقوں میں برفباری کا سلسلہ جاری ہے جہاں کل رات اور آج صبح متعدد علاقوں میں بارش بھی ہوئی۔

مدینہ منورہ میں کل رات اور آج صبح دھند چھائی رہی جبکہ کھلے مقامات میں حدِ نگاہ انتہائی متاثر ہوگئی۔

Square Adsence 300X250

News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.