پاکستان شوبز انڈسٹری کی نوجوان فنکار بہنیں منال اور ایمن خان نوجوان نسل میں خاصی مقبول ہیں، ان کے ڈراموں سے زیادہ ان کی شادیاں لوگوں میں مقبول ہوئیں جو کہ کئی دن تک لوگوں میں زیرِبحث رہیں۔
گذشتہ سال ستمبرمیں ہونے والی منال خان کی شادی، پھر ان کے ہنی مون اور اس کے بعد بھی ان کی سیرو تفریح کی وڈیوز اور تصاویر ان کے مداحوں میں خاصی پسند کی جاتی ہیں۔
سوشل میڈیا پر منال خان اور ان کے شوہراحسن محسن اکرام خاصے ایکٹو رہتے ہیں، حال ہی میں فیس بک پر ان کی عید کے بعد ایک ریسٹورینٹ میں سی فوڈ کھانے کی مزاحیہ وڈیو وائرل ہورہی ہے۔ جس میں منال خان ایک ٹیبل پر بیٹھی کھانا کھا رہی ہیں اور کھانا کھاتے ہوئے وہ سامنے رکھے پلیٹر میں سے مینڈک نما چیز اٹھاتی ہیں، جس پران کے شوہر احسن ان سے انگریزی میں کہتے ہیں کہ" یہ تمہیں پسند ہے؟ یہ مزیدار ہے اسے کھاؤ" جس پر منال منہ بنا کر اسکو واپس پلیٹ میں رکھ دیتی ہیں۔