پانی کی کمی کراچی کے شہریوں کا پرانا مسئلہ ہے لیکن افسوس کی بات یہ ہے کہ ہر سال اس مسئلے کے حل ہونے کے بجائے مزید گھمبیر ہوتا دیکھا جاتا ہے۔ ایسا ہی اس سال بھی ہو رہا ہے۔ جنگ نیوز کے مطابق کراچی کو پانی فراہم کرنے والے حب ڈیم میں گہرا شگاف پڑ گیا ہے جس کی وجہ سے شہر بھر میں پانی کی فراہمی بند کی جارہی ہے۔
5 فٹ گہرا شگاف
واپڈا ذرائع کے مطابق شگاف بلوچستان کی حدود حب ڈیم میں 5 فٹ کا گہرا شگاف پڑا ہے جبکہ واپڈا کی ٹیم مرمت کے لئے ڈیم پہنچ چکی ہے۔
پانی کی فراہمی کتنے دن تک معطل رہے گی؟
واٹر بورڈ کا اس حوالے سے کہنا ہے کہ شگاف اور اس کی مرمت کی وجہ سے کراچی شہر کو پانی کی فراہمی بند کرنی پڑے گی۔ پانی کی فراہمی آج صبح سے 48 گھنٹوں تک بند کی جاسکتی ہے۔