گرمی کی شدت میں اضافہ سے صرف پاکستان ہی متاثر نہیں بلکہ دنیا کے کئی ممالک شدید گرمی کا سامنا کر رہے ہیں۔ یہ گرمی اب انسانوں کے ساتھ ساتھ دیگر مخلوقات کے لئے سخت مشکلات کا باعث بن رہی ہے۔
سوشل میڈیا پر اس معصوم پیاسی چڑیا کی ویڈیو وائرل ہو رہی جو پیاس سے اس قدر نڈھال نظر آ رہی ہے کہ پانی سامنے ہونے پر بھی خود پینے سے قاصر ہے- یہاں ایک رحم دل شخص اپنے ہاتھوں سے اس چڑیا کو پانی پلا کر دوبارہ اپنے پاؤں پر کھڑا کرنے کی کامیاب کوشش کر رہا ہے۔
یہ ویڈیو لاطینی امریکہ کے کسی ملک کی دکھائی دے رہی ہے، گرمی کی شدت کا تعلق اب صرف عرب اور ریگستانی ممالک سے منسلک نہیں، بلکہ اب پوری دنیا اس سے متاثر ہو رہی ہے۔
انسانوں کے ساتھ ساتھ جانور اور پرندے بھی شدید متاثر ہو رہے ہیں لہذا جہاں تک ہو سکے آپ بھی ان کے لئے پانی کا بندوبست کرنے کو کوشش کریں۔