کوئی کیسے سوچ سکتا ہے کہ نیوکلیئر اسٹیٹ کا سری لنکا جیسا حال ہو گا؟ فیصل سبزواری

image

اسلام آباد: وفاقی وزیر برائے بحری امور سینیٹر فیصل سبزواری نے کہا ہے کہ بھارت کی مسلم دشمن حکومت نے یاسین ملک کو سزا دی ہے، یاسین ملک کو دی جانے والی سزا کی شدید الفاظ میں مذمت کرتے ہیں، ہماری اخلاقی، سیاسی اورسفارتی حمایت کشمیریوں کے ساتھ ہے۔

ہم نیوز کے مطابق ایم کیو ایم پاکستان سے تعلق رکھنے والے وفاقی وزیر سینیٹر فیصل سبزواری نے کہا کہ آئی ایم ایف کے اعلامیے میں پٹرولیم مصنوعات پرسبسڈی ختم کرنے کا کہا گیا ہے۔

انہوں نے کہا کہ اپوزیشن کے دوست کہہ رہے ہیں کہ سری لنکا جیسا حال ہونے والا ہے، کوئی یہ کیسے سوچ سکتا ہے کہ نیوکلیئر اسٹیٹ کا سری لنکا جیسا حال ہو گا؟

سینیٹر فیصل سبزواری نے واضح طورپر کہا کہ ہمیں ملک کی معیشت مضبوط کرنی ہے تو سیاست سے بالاتر ہو کر کام کرنا ہو گا، ہمارے یہاں ایسے سیاست دان بھی ہیں جو اس بات پر خوش ہورہے ہیں کہ پاکستان ڈیفالٹ ہو رہا ہے۔

ہم نیوز کے مطابق وفاقی وزیر برائے بحری امور سینیٹر فیصل سبزواری نے زور دے کر کہا کہ تمام ماہرین معاشیات کو دعوت دیں، ملک کے معاشی مسائل کا حل ڈھونڈیں، ہمیں اپنی قوم کو تقسیم در تقسیم ہونے سے بچانا ہو گا۔


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.