گرمی میں اے سی لگوانا سب کے بس کی بات نہیں اور آخر پہلے بھی تو گرمیاں پڑتی تھیں تب تو شاذونادر ہی کسی کے گھر میں اے سی موجود ہوتا تھا۔ لیکن تب لوگ گھر کو ٹھنڈا رکھنے کے لئے پودوں کا استعمال کرتے تھے۔ ماہرین کے مطابق پودے 10 ڈگری تک درجہ حرارت کم کر سکتے ہیں۔
ربڑ کا پودا
ربڑ کے پودے کے پتے جتنے موٹے اور زیادہ ہوتے ہیں اتنا ہی وہ کمرہ زیادہ ٹھنڈا کرتا ہے۔ کمرے کو تازگی اور قدرتی ٹھنڈک بخشتا ہے۔
فیکوس ٹری
چھوٹے پتوں کی بہتات والا یہ پودا درجہ حرارت کو 5 ڈگری تک کم کرنے کی صلاحیت رکھتا ہے۔ فیکوس ٹری ناگوار بو کا خاتمہ بھی کرتا ہے۔
پام ٹری
یہ دیکھنے میں کمرے کو کافی لگژری تاثر دیتا ہے۔ اریکا پام ٹری کمرے کا درجہ حرارت 5 ڈگری تک کم کرسکتا ہے اور کمرے کی فضا کو گرم ہونے سے روکتا ہے۔
منی پلانٹ
منی پلانٹ ایک بیل ہے جسے دیوار پر آسانی سے چڑھایا جاسکتا ہے۔ جس قدر اس پودے کو کمرے کے اطراف میں رکھا جائے گا یہ ماحول میں اتنی ہی ٹھنڈک پیدا کرے گا۔
اسنیک پلانٹ
اسنیک پلانٹ بھی کمرے کا درجہ حرارت 5 ڈگری تک کم کرنے کی صلاحیت رکھتا ہے جبکہ اس کو زیادہ پانی بھی نہیں چاہیے ہوتا۔