ٹیسٹنگ بڑھانے کے بعد پاکستان میں کورونا کیسز کی شرح میں اضافہ

image
پاکستان میں گذشتہ چند دنوں میں کورونا وائرس کے کیسز میں اضافہ ریکارڈ کیا گیا ہے جس کے بعد حکومت نے اس کی روک تھام کے لیے اقدامات لینے کا فیصلہ کیا ہے۔

قومی ادارہ صحت کے مطابق گذشتہ دو دنوں میں کورونا وائرس کے نئے کیسز کا تناسب 3.50 فیصد تک پہنچ گیا ہے۔

دو دن قبل کورونا وائرس کے کیسز کے مثبت آنے کا تناسب 3 فیصد سے کم تھا۔

جمعرات کو قومی ادارہ صحت کے مطابق پاکستان میں گذشتہ 24 گھنٹوں میں کورونا وائرس کے 641 نئے کیسز رپورٹ ہوئے ہیں اور 119 افراد اس وباء کے باعث تشویشناک حالت میں ہیں۔

گذشتہ روز مثبت کیسز کا تناسب 3.50 فیصد تھا اور قومی ادارہ صحت کی جانب سے 100 افراد کی حالت تشویشناک بتائی گئی تھی۔

وائرس کے بڑھتے ہوئے کیسز کے سبب وزیراعظم شہباز شریف نے قوم سے اپیل کی ہے کہ ’کورونا سے متعلق ہدایات اور ایس او پیز پر عمل کریں۔‘

ان کا مزید کہنا تھا کہ ’ہمارے فرنٹ لائن ورکرز اور ڈاکٹرز نے ہمیں بہت سی قربانیاں دی ہیں۔ ہمیں کورونا کے خلاف ان حاصل کی جانے والی کامیابیوں کو ضائع نہیں کریں۔‘

ملک میں کرونا کیسز کی پھر سے بڑھتی ہوئی تعداد کے پیش نظر میری پوری قوم سے اپیل ہے کہ کرونا سے متعلقہ ہدایات اور SOPs پر عمل کریں۔ ہمارے فرنٹ لائن ورکرز اور ڈاکٹرز نے ہمیں محفوظ رکھنے کے لیے بہت سی قربانیاں دی ہیں۔ہمیں کرونا کے خلاف ان حاصل کی جانے والی کامیابیوں کو ضائع نہیں کرنا

— Shehbaz Sharif (@CMShehbaz) June 29, 2022

گذشتہ روز نیشنل کمانڈ اور آپریشن سینٹر نے سندھ ہیلتھ ڈپارٹمنٹ کے ساتھ میٹگز کی ہیں اور خصوصاً کراچی میں کورونا وائرس کے پھیلاؤ کی روک تھام کے لیے اقدامات پر نظر ثانی کی گئی۔

حکومت کی جانب سے فیصلہ کیا گیا ہے کہ کورونا وائرس کے پھیلاؤ کو روکنے کے لیے ٹیسٹنگ، کونٹیکٹ ٹیسنگ کو بڑھایا جائے اور اس سے بچاؤ کے لیے احتیاطی تدابیر پر عملدرآمد یقینی بنایا جائے۔

It was discussed to increase testing, contact tracing, and implementation of Non-Pharmaceutical Interventions (NPIs), especially mask-wearing at all crowded places, and domestic travel by air, railways, or road.

— NIH Pakistan (@NIH_Pakistan) June 28, 2022

قومی ادارہ صحت کا ایک بیان میں کہنا ہے کہ پرہجوم مقامات، اندورن ملک ٹرین، روڈ یا ہوائی سفر کے دوران فیس ماسک کا استعمال لازمی کیا جائے۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.