عید قرباں پر مزے مزے کھانوں کے ساتھ ساتھ مزے مزے کی ویڈیوز سامنے آنے کا سلسلہ بھی جاری ہے، سوشل میڈیا پر ایک بار پھر وائرل ہونے والی ایک ویڈیو میں مرنے کا ناٹک کرنے والی گائے کومالک نے کیسے اٹھایا اس ویڈیو میں دیکھا جاسکتا ہے۔
گزشتہ سال سامنے آنے والی یہ ویڈیو ایک بار پھر سوشل میڈیا پر وائرل ہورہی ہے جس میں ایک گائے سودا ہونے کے بعد خریدار کے ساتھ جانے پر آمادہ نہیں ہے اور بار بار گرنے کا ناٹک کررہی ہے اور کچھ دور جاکر اچانک گرتی اور مرنے کا ناٹک کرتی ہے۔
گائے کا مالک پہلے تو منہ اور ناک پر شاپر چڑھا کر گائے کے ناٹک کی تصدیق کرتا ہے اور پھر دم پر زور سے دانتوں سے کاٹتا ہے جس پر گائے بلبلا کر فوری اٹھ کھڑی ہوتی ہے۔
عید سے قبل جانوروں کی اچھل کود اور طرح طرح کی ویڈیو قربانی کے ایام سے قبل لوگوں کی دلچسپی کا سبب بن رہی ہیں اور سوشل میڈیا صارفین بھی ایسی ویڈیوز کو بہت زیادہ پسنداور شیئر کررہے ہیں۔