سعودی عرب میں تعلیمی اداروں سے متعلق ایک اہم فیصلہ کیا گیا ہے، جس نے سعودی شہریوں سمیت اوورسیز کی بھی توجہ حاصل کر لی۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سعودی عرب میں تُرک تعلیمی اداروں سے متعلق اہم فیصلہ کیا گیا ہے، سعودی میں عرب میں تُرک اسکول ایک بار پھر سے کھولنے کا فیصلہ کیا گیا ہے۔
تُرک وزیر تعلیم کی جانب سے جاری بیان میں کہا گیا ہے کہ تُرک تعلیمی اداروں کو ایک بار پھر سے کھولنے کا فیصلہ فرانس کے شہر پیرس میں ہونے والی ٹرانسفارمنگ ایجوکیشن پری سمٹ کے موقع پر کیا گیا جہاں دونوں مسلم ممالک کے وزرائے تعلیم موجود تھے۔
واضح رہے ترکیہ کے 26 اسکول سعودی عرب میں تعلیم کے عمل میں اپنا حصہ ڈال رہے ہیں۔ جبکہ ترکیہ نے عرب ممالک جن میں متحدہ عرب امارات، سعودی عرب، مصر سمیت دیگر ممالک سے تعلقات بہتر بنانے کے لیے کوششوں کا آغاز کیا ہے۔